free statistics

අත්‍යවශ්‍ය සේවා සඳහා කොළඹට ඇතුළු වන පුද්ගලයන්ට විශේෂ දැනුම් දීමක්


අත්‍යවශ්‍ය සේවා සඳහා කොළඹට ඇතුළුවන වාහන සඳහා හෙට (ජූනි 7) දින සිට තවත් විශේෂිත ස්ටිකරයක් ලබා දෙන බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පවසයි.

එම ස්ටිකරය සංචරණ සීමා බලපවත්වන මුළු කාල සීමාව තුළදී ම අදාළ වන බව පොලිස් මාධ්‍ය ප්‍රකාශකවරයා පැවසීය.

තව ද ඔහු පැවසුවේ, ඒ සම්බන්ධ වැඩිදුර තොරතුරු අද (ජූනි 6) දින ලබා දෙන බව ය.

කොළඹ නගරයට ඇතුළු වීමේදී තොරතුරු ලබා දීම සඳහා යම් කාලයක් වැය වන බැවින් එහිදී සිදු වන ප්‍රමාදය සහ ඔවුන් ලක්වන අපහසුතාව වැළැක්වීම සඳහා නව ස්ටිකරය හඳුන්වා දෙන බව පොලිස් මාධ්‍ය ප්‍රකාශකවරයා පැහැදිලි කළේය.

තව ද එම ස්ටිකරය අවභාවිත කරමින් කටයුතු නොකරන ලෙස අත්‍යවශ්‍ය සේවා සපයන ආයතනවල සාමාජිකයන්ගෙන් පොලිස් මාධ්‍ය ප්‍රකාශකවරයා ඉල්ලා සිටියේ ය.


Like it? Share with your friends!

0 Comments

Your email address will not be published. Required fields are marked *

close